اوگرا کی جانب سے ماہ جون کیلئے درآمدی ایل این جی کی نئی قیمتوں کا اعلان کردیا گیا ہے۔

اوگرا نے گیس کمپنیوں کے لئے ایل این جی کی قیمت میں 0.08 ڈالر فی ایم ایم بی ٹو اضافہ کرتے ہوئے نوٹیفکیشن جاری کردیا ہے۔

نوٹیفکیشن کے مطابق سوئی ناردرن سسٹم کیلئے ایل این جی کی فی یونٹ قیمت میں 0.08 ڈالر اضافہ کیا گیا ہے جس کے بعد نئی قیمت 10.3326 ڈالر فی یونٹ مقرر کردی ہے۔

نوٹیفکیشن میں بتایا ہے کہ سوئی سدرن سسٹم پر ایل این جی کی قیمت میں 0.57 ڈالر فی یونٹ اضافہ کیا گیا ہے جس کے بعد نئی قیمت 10.0497 ڈالر فی ایم ایم بی ٹی یو مقرر کی گئی ہے۔