وزیر خارجہ شاہ محمود قریشی نے کہا ہے کہ موجودہ حکومت کی ترجیح “جیو اکنامک” ہے کیونکہ  ہم پاکستان کو تجارتی سرگرمیوں کا مرکز بنانا چاہتے ہیں۔

وزیر خارجہ شاہ محمود قریشی نے کہا ہے کہ پاکستان کی تجارتی سرگرمیوں میں اکنامک کوریڈور اور گوادر پورٹ اہم کردار ادا کریں گے۔

شاہ محمود قریشی نے کہا ہے کہ وزیر اعظم عمران خان کے وژن کی روشنی میں، خطے میں امن و استحکام کیلئے اپنی کاوشیں جاری رکھے ہوئے ہیں اور اس حوالے سے ہماری پہلی ترجیح “افغانستان” کا امن ہے۔

انہوں نے کہا ہے کہ افغانستان کی صورتحال پر غوروخوض کیلئے آج پاکستان، چین اور افغانستان کے مابین “سہ فریقی بیٹھک” بھی ہو گی۔

انہوں نے بتایا ہے کہ قیام امن کی صورت میں، چین اور پاکستان دونوں مل کر افغانستان کی تعمیر نو میں اہم کردار ادا کر سکتے ہیں۔

اسکے علاوہ وزیر خارجہ نے مزید کہا ہے کہ ہندوستان کو، مقبوضہ کشمیر میں اٹھائے گئے اگست 2019 کے غیر آئینی، یکطرفہ اقدامات پر نظرثانی کرنی ہو گی۔

انہوں نے کہا ہے کہ وزیر اعظم عمران خان نے اس عزم کا اعادہ کیا ہے کہ ہم کشمیریوں کے ساتھ اخلاقی، سیاسی اور سفارتی معاونت جاری رکھیں گے۔