وزیر جیل خانہ جات پنجاب فیاض الحسن چوہان  نے کہا ہے کہ شہبازشریف ہر کسی کے سامنے رنگ بدلنے والے انسان ہیں۔

تفصیلات کے مطابق وزیر جیل خانہ جات پنجاب فیاض الحسن چوہان  نے اپنے ایک بیان میں کہا کہ شہباز شریف ہر مضبوط فرد، ادارے اور جماعت کو خوش کرنے میں لگے ہیں۔

انہوں نے کہا کہ شہباز شریف اپنے بھائی نواز شریف سے بھی بڑے منافق ہیں۔

فیاض چوہان کا کہنا تھا کہ شہباز شریف خفیہ ملاقاتوں اور خفیہ شادیوں کے دلدادہ ہیں۔

وزیر جیل خانہ جات پنجاب نے یہ بھی کہا کہ چوہدری نثار اور شہباز شریف ہر آرمی چیف کے ساتھ خفیہ رابطوں میں رہے ہیں۔

انہوں  نے کہا کہ لیڈران میڈیا پرریاستی اداروں کے خلاف ہرزہ سرائی کرتے ہیں۔

وزیر جیل خانہ جات پنجاب فیاض الحسن چوہان  کا مزید کہنا تھا کہ شریف خاندان کے اسیران کوجیل میں بہترین مراعات حاصل تھیں۔