کراچی میں 34ویں ایئر وار کورس کی گریجویشن تقریب کا انعقاد کیا گیا ہے۔

ترجمان پاک فضائیہ کا کہنا ہے کہ ایئر وار کورس کی گریجویشن کی تقریب میں گورنر سندھ عمران اسماعیل تقریب میں بطور مہمان خصوصی شریک ہوئے۔

 ترجمان پاک فضائیہ کے مطابق مہمانِ خصوصی کی جانب سے فارغ التحصیل افسران کو سرٹیفکیٹ سے نوازا گیا ہے۔

ترجمان کا کہنا تھا کہ تقریب سے خطاب میں عمران اسماعیل نے کہا ہے کہ ایئر وار کالج انسٹیٹیوٹ میں سینئر ملٹری افسران کو مشترکہ فوجی کارروائیوں کی سر براہی کے لئے تربیت دی جاتی ہے۔

انہوں نے کہا کہ کورس اتحادی ممالک کے افسران اور باقی شرکاء کے مابین  باہم تجربات سے استفادہ حاصل کرنے کا  ایک بہترین پلیٹ فارم ہے۔

گورنر سندھ کا مزید کہنا تھا کہ پاک فوج اور بحریہ کے افسران کی کورس میں موجودگی پاکستان کی مسلح افواج کے مابین بڑھتی ہوئی ہم آہنگی کی علامت ہے۔

[amazonad category=”Mobile”]