گوگل کی جانب سے پاکستان کے  لئے کووڈ 19 ریلیف کے تحت معاونت کا اعلان کیا گیا ہے۔

رپورٹس کے مطابق گوگل نے اعلان کیا ہے کہ ایشیاء میں موجود ایسے ممالک جہاں کووڈ 19 کے کیسز میں مستقل اضافہ ریکارڈ کیا جارہا ہے وہاں وباء کے موجودہ بحران کے خاتمے کے لئے مکمل تعاون فراہم کیا جائیگا۔

اس حوالے سے گوگل کا کہنا ہے کہ گوگل، پاکستان سمیت 5 ایشیائی ممالک کے لیے کووڈ-19 ریلیف کے تحت 75 لاکھ ڈالر گرانٹ اور دیگر اقسام کی معاونت فراہم کریگا۔

اس گرانٹ کی مدد سے  پاکستان میں ویکسین لگانے والی خواتین کی تعداد میں اضافہ کیا جا سکے گا اور ویکسین کمیونیکیشن کو فروغ دیا جاسکے۔

خیال رہے کہ گزشتہ برس سے لے کر اب تک، گوگل نے عالمی ادارہ صحت سمیت مقامی حکومتوں کو 2 کرور 70 لاکھ ڈالر سے زائد کی امدادی گرانٹس فراہم کی ہیں تاکہ لوگوں تک ویکیسن کے بارے میں حقائق کی فراہمی کے اور وباء سے محفوظ رہنے کے پیغامات پہنچائے جاسکیں۔

وباء کے آغاز سے اب تک،گوگل ڈاٹ او آر جی نے ویکسین الائنس، کے ذریعے ایشیا اور پوری دنیا میں ویکسین کی تقسیم کے لئے فنڈز فراہم کیے ہیں۔

گوگل اپنی توجہ اِس بات کو یقینی بنانے پر مرکوز کیے ہوئے ہے کہ وہ اپنے ٹولز اور مصنوعات کے ذریعے پاکستان میں ہر شخص تک معلومات پہنچا سکے۔