5 فروری 2021 کو کے ٹو پہاڑ کی سرمائی مہم جوئی کے دوران لاپتہ ہونے والے تین کوہ پیماؤں میں سے ایک  کا جسد خاکی ملا ہے جو  علی سدپارہ کا ہے۔

میڈیسن ماؤنٹینرنگ ایکسپیڈیشن شرپاز کو کیمپ 4 سے 400 میٹر اوپر ایک لاش ملی ہے ۔

اس حوالے سے علی سدپارہ کے بیٹے ساجد سدپارہ نے اپنے ساتھیوں کے ہمراہ ایک بار پھر کے 2 کی چوٹی کو سر کرتے ہوئے اپنے والد کے جسد خاکی ملنے کی تصدیق بھی کی ہے۔

ساجد سدپارہ نے یہ اعلان بھی کیا تھا کہ ان کے والد علی سدپارہ کو اسی چوٹی پر دفنایا جائے گا۔

اسی مشن کے دوران ایلیا سیکلی، علی سدپارہ کے ساتھی جان سنوری کا کیمرہ، گارمین ڈیوائس اور فون تلاش کرنے میں کامیاب ہو گئے ہیں۔

ان تمام آلات کی مدد سے اب کچھ اہم معلومات حاصل کرنے میں آسانی پیدا ہوجائیگی۔

ان آلات کی مدد سے یہ اندازہ لگایا جاسکتا ہے کہ علی سدپارہ اور ان کے ساتھی کے ٹو کی چوٹی سر کرنے کے بعد گمشدہ ہوگئے یا پھر اس چوٹی تک پہنچنے سے قبل ہی ان کے ساتھ کوئی حادثہ پیش آگیا تھا۔