پاکستان میں ذی الحج کا چاند نظر نہیں آیا، عید الاضحیٰ 21 جولائی  بروز بدھ کو ہوگی۔

تفصیلات کے مطابق مرکزی رویت ہلال کمیٹی کے چیئرمین  مولانا عبدالخبیر آزاد  نے میٹ آفس کراچی میں پریس کانفرنس  کرتے ہوئے کہا کہ ملک میں  ماہ ذی الحج کا چاند نظر نہیں آیا،یکم ذی الحج بروز پیر 12 جولائی  جبکہ  عید الاضحیٰ 21 جولائی بروز بدھ کو ہوگی۔

مولانا عبدالخبیر آزاد نے کہا کہ  پاکستان کے کسی بھی علاقے  سے چاند کی کوئی شہادت موصول نہیں ہوئی ہے۔

اس سے قبل محکمہ موسمیات کا کہنا تھا کہ چاند کی پیدائش ہفتے کی صبح 6 بجکر 14 منٹ پر ہوچکی ہے۔ کراچی میں غروب آفتاب کے وقت چاند کی عمر 13 گھنٹے ہوگی۔