گورنر سندھ عمران اسماعیل نے صوبائی محکمہ قانون سے موصول ہونے والے مختلف بلز (نئے اور ترمیم شدہ) پر اتفاقِ رائے کرتے ہوئے دستخط کیے ہیں۔

تفصیلات کے مطابق گورنرسندھ عمران اسماعیل نے صوبائی محکمہ قانون سے موصول ہونے والے مختلف بلز (نئے اور ترمیم شدہ) پر اتفاقِ رائے کرتے ہوئے دستخط کیے ہیں جس میں ملازمین کے لئے ملازمت کی شرائط، ملازمین کی معاشرتی تحفظ اور خواتین کارکنوں کے لئے محفوظ ٹرانسپورٹیشن کی سہولت کی فراہمی شامل ہیں۔

ترمیمی بلز میں نوجوانوں کو آرٹس اور موسیقی میں تعلیم دینے کے لئے انسٹیٹیوٹ کا قیام جبکہ سندھ ہائی ڈینسٹی ڈویلپمنٹ بورڈ اور ضیاءالدین یونیورسٹی امتحانات بورڈ کی تنظیم نو سے متعلق بھی بلز شامل ہیں۔

گورنر سندھ نے “سندھ پروٹیکشن آف جرنلسٹس اور دیگر پریکٹیشنرز بل- 2021” پر بھی دستخط کیے ہیں۔

ترجمان گورنر سندھ کا کہنا تھا کہ عمران اسماعیل نے آزادی صحافت اور صحافی برادری کو زیادہ سے زیادہ یقینی بنانے کے لئے ہمیشہ آواز بلند کی ہے۔