اپر کوہستان میں داسو جانے والی گاڑی حادثے کا شکار ہوگئی ہے جبکہ حادثے میں دو ایف سی اہلکاروں اور چارچینی باشندوں سمیت دس افراد ہلاک اور انتالیس زخمی ہوگئے۔

تفصیلات کے مطابق اپر کوہستان میں برسین لیبر کیمپ سے داسو جانے والی گاڑی حادثے کا شکار ہوگئی ہے جس کے نتیجے میں 10 افراد جاں بحق ہوگئے ہیں۔

واقعے میں 10 افراد جاں بحق اور39  زخمی ہوئے ہیں جس میں 4 چینی ورکرز ۔ 2 ایف سی اہلکار بھی شامل ہیں۔

ریسکیو ٹیموں کی جانب سے لاشوں اور زخمیوں کو آر ایچ سی داسو منتقل کیا گیا ہے جبکہ سیکورٹی ٹیموں نے موقع پر پہنچ کر تحقیقات کا آغاز کردیا ہے۔

حادثے کے حوالے سے بس ڈرائیور کا کہنا ہے کہ بس، کوسٹر اور سکوارڈ کی گاڑی جب کیمپ سے شاہراہ قراقرم پہ نکلی تو اسی دوران ایک کار تیزی سے آکر بس کو ہٹ کرگئی، جسے کوئی  دھماکہ ہوا ہو جبکہ دھماکے کے بعد بس کے ٹکڑے ہوا میں اُڑنے لگے ، دھویں کے بادل اُٹھنے لگے۔

دوسری جانب ڈپٹی کمشنر اپر کوہستان کا اس حوالے سے کہا ہے کہ ریسکیو ٹیمون کی مدد سے دھماکے کی نوعیت کا اندازہ لگارہے ہیں ، ابھی کچھ کہنا قبل ازوقت ہوگا۔

ان کا کہنا تھا کہ پانچ کلومیٹر کا علاقہ سیل کردیا گیا ہے، زخمیوں کی حالت تشویشناک ہے جنہیں قریبی اضلاع کے اسپتالوں میں شفٹ کیا گیا ہے۔

اس حوالے سے ریسکیو ٹیموں کا کہنا ہے کہ بس داسو ڈیم پر کام کرنے والے چینی تعمیراتی کارکنوں کو اپنے اپنے مقام پر منتقل کرنے جارہی تھی۔

[amazonad category=”Mobile”]