وفاقی وزیر سائنس اینڈ ٹیکنالوجی شبلی فراز نے کہا ہے کہ بیرون ملک مقیم پاکستانی ہمارا سب سے بڑا اثاثہ ہیں۔

تفصیلات کے مطابق وفاقی وزیر سائنس اینڈ ٹیکنالوجی شبلی فراز کی زیر صدارت اجلاس ہوا۔

وفاقی وزیر سائنس اینڈ ٹیکنالوجی نے کہا کہ وزارت سولر سسٹم کے اجزاء کی تیاری میں حائل رکاوٹیں دور کرنے  کی  ہر ممکن کوشش کرے گی۔

[amazonad category=”Auto”]

شبلی فراز نے یہ بھی کہا کہ مقامی صنعت کی ترقی کے لئے مقامی صنعت کاروں کا تحفظ انتہائی اہم ہے، اگرچہ سولر پینل کی تیاری میں مقابلہ کرنا ممکن نہیں ہوگا۔

وفاقی وزیر سائنس اینڈ ٹیکنالوجی کا کہنا تھا کہ ہم برآمدات اور گھریلو ضروریات کے لئے سولر پینل کے اجزاء کی تیاری پر کام کرسکتے ہیں، اس حوالے سے منصوبہ پر باقاعدہ کام شروع کرنے پر اتفاق کیا ہے۔

شبلی فراز کا یہ بھی کہنا تھا کہ بیرون ملک مقیم پاکستانی ہمارا سب سے بڑا اثاثہ ہیں اور انہیں سہولت فراہم کرنا وزیر اعظم عمران خان کی سربراہی میں حکومت کی اولین ترجیحات میں شامل ہے۔

وفاقی وزیر سائنس اینڈ ٹیکنالوجی شبلی فرازکا مزید کہنا تھا کہ وزارت سائنس و ٹیکنالوجی مصنوعات کی ترقی اور ٹیکنالوجی کی منتقلی کے لئے بیرون ملک مقیم متحرک اور انتہائی ہنرمند پاکستانیوں کے ساتھ موثر حکمت عملی پر کام کر رہی ہے۔

ویبنار میں سیلیکون ویلی، امریکہ، برطانیہ، کینیڈا، ملائشیا اور دنیا کے دیگر ملکوں سے تعلق رکھنے والے ماہرین نے شرکت کی۔