گلگت میں مزید 39 افراد میں کورونا وائرس کی تصدیق ہوگئی ہے۔
تفصیلات کے مطابق گلگت بلتستان میں کورونا وائرس سے متاثرہ مریضوں کی مجموعی تعداد 9656 تک پہنچ گئی ہے جبکہ کورونا کے ایکٹیو کیسز کی تعداد 20 سیاح مریضوں سمیت 658 ہے۔
محکمہ صحت کا کہنا ہے کہ کورونا سے آج 82 مریض صحتیاب بھی ہوئے ہیں، کورونا وائرس کو 262 سیاحوں، محکمہ تعلیم 924 سمیت مجموعی طور پر 8828 مریض شکست دینے میں کامیاب ہوئے ہیں۔
محکمہ صحت گلگت کے مطابق کورونا سے گلگت بلتستان میں اب تک 170 مریض زندگی کی بازی ہار چکے ہیں جبکہ کورونا کیسز کی شرح گلگت بلتستان میں 11.14 فیصد ہے۔
محکمہ صحت کے مطابق کورونا وائرس سے صحتیابی کی شرح 91.43 جبکہ اموات کی شرح 1.76 فیصد ہے۔