بہاءالدین زکریا یونیورسٹی میں طالبعلم کے قتل کے معاملے میں اہم پیشرفت ہوئی ہے۔

تفصیلات کے مطابق ذرائع نے بتایا کہ تھانہ الپہ پولیس نے ملزم اویس ارشد کے خلاف ایف آئی آر درج کر لی ہے۔

ذرائع کا کہنا ہے کہ ملزم کے خلاف مقدمہ دفعہ 303,324 کے تحت درج کیا گیا ہے۔

ذرائع کے مطابق مقدمہ عبدالقدیر کی مدعیت میں درج کیا گیا ہے۔

ایف آئی آر متن نے بتایا کہ ملزم اویس نے ابوبکر ہال کے باہر کینٹین پر آتے ہی کہا کہ قلیم تم نے چوری کی ہے آج تمہیں مزہ چکھاتا ہوں اور پھر برف توڑنے والا ڈنڈا اٹھا کر قلیم پر حملہ کر دیا۔

پولیس ذرائع کے مطابق ملزم نے دائیں پنڈلی سے خنجر نکال کر کلیم اللہ پر وار کیے جس پر کلیم زمین پر گر کر تڑپنے لگا۔

پولیس ذرائع نے یہ بھی بتایا کہ واقعہ کے بعد ملزم کو شرجیل کامران نے پکڑنے کی کوشش کی لیکن ملزم آلہ سمیت فرار ہونے میں کامیاب ہو گیا۔

پولیس ذرائع کا کہنا تھا کہ کلیم اللہ زخموں کی تاب نہ لاتے ہوئے نشتر اسپتال جاتے ہوئے راستہ میں ہی جاں بحق ہو گیا۔