ڈپٹی کمشنر دیامر سعد بن اسد نے تین دن کے لئے بابوسر ناران نیشنل ہائی وے بند کرنے کا فیصلہ سنا دیا ہے۔

تفصیلات کے مطابق ڈپٹی کمشنر دیامر سعد بن اسد نے گلگت بلتستان کے شہر چلاس میں اپنے ایک بیان میں کہا ہے کہ بابوسر ناران نیشنل ہائی وے اگلے تین روز تک بند رہے گا اور اس دوران بابوسر ناران نیشنل ہائی وے پر موجود ملبہ ہٹانے کا کام کیا جائے گا۔

سعد بن اسد کا کہنا تھا کہ شاہراہِ کی بحالی کا کام تیز رفتار سے جاری ہے۔

یاد رہے کہ بابوسر ناران نیشنل ہائی وے بارشوں کے بعد سیلابی ریلے کے باعث بند ہوا تھا جس کی وجہ سے مسافروں اور سیاحوں کی بڑی تعداد وہاں پھنس کر رہ گئی تھی۔