جعلی سب انسپکٹر بن کر سادہ لوح عوام کو بیوقوف بنانے والا شخص گرفتار ہو گیا ہے۔

تفصیلات کے مطابق پولیس ذرائع کا کہنا ہے کہ ملزم ٹک ٹاکر ملک زاہد مختلف افسران کے ساتھ تصاویر بنواتا اور خود کو سب انسپکٹر ظاہر کرتا تھا۔

پولیس ذرائع کا کہنا ہے کہ ملزم بلدیہ ٹاؤن کے علاقے عابد آباد سے تعلق رکھتا ہے۔

پولیس ذرائع کا یہ بھی کہنا تھا کہ ملزم ملک زاہد جعلی سب انسپکٹر بن کر محرم الحرام کے جلوسوں میں بطور رضاکار تعینات تھا اور اس دوران وہ پولیس یونیفارم، بیج اور پولیس موبائل کے ساتھ ٹک ٹاک بناتا رہا۔

پولیس ذرائع نے کہا کہ پولیس ملزم کو پکڑنے کے لیے چھاپے مار رہی ہے۔

پولیس کا کہنا تھا کہ ایسے لوگ پولیس کی وردی پہنتے ہیں اور پولیس سیکورٹی پر سوالیہ نشان بنتے ہیں۔