وفاقی وزیر منصوبہ بندی و ترقی اسد عمر نے کہا ہے کہ 40 گرین لائن بسوں کی پہلی کھیپ کراچی پہنچ گئی ہے۔

تفصیلات کے مطابق وفاقی وزیر منصوبہ بندی و ترقی اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ مبارک ہو کراچی، اس شہر کے پہلے جدید ٹرانسپورٹ نظام گرین لائن کے لیے 40 بسوں کی پہلی کھیپ کراچی پورٹ پہنچ گئی ہے۔

مبارک ہو کراچی. اس شہر کے پہلے جدید ٹرانسپورٹ نظام گرین لائن کے لئے 40 بسوں کی پہلی کھیپ کراچی پورٹ پہنچ گئی. انشاءاللہ 40 مزید بسیں اکتوبر کے آخر تک پہنچ جائیں گی. گرین لائن کا ٹیسٹ رن اکتوبر کے آخر تک اور کمرشل آپریشن نومبر کے آخر تک متوقع. pic.twitter.com/kQlccfvHu6

— Asad Umar (@Asad_Umar) September 19, 2021

ان کا کہنا تھا کہ انشاءاللہ 40 مزید بسیں اکتوبر کے آخر تک کراچی پہنچ جائیں گی۔

اسد عمر نے یہ بھی کہا کہ گرین لائن کا ٹیسٹ رن اکتوبر کے آخر تک اور کمرشل آپریشن نومبر کے آخر تک متوقع ہے۔