مسلم لیگ (ن) پنجاب کے زیر اہتمام ساہیوال ڈویژن کی میٹینگ کا انعقاد ہوا ہے۔

تفصیلات کے مطابق مسلم لیگ (ن) پنجاب کے زیر اہتمام ساہیوال ڈویژن کی میٹینگ قائد مسلم لیگ میاں محمد نواز شریف کی زیر صدارت لاہور میں شروع ہو گئی ہے جس میں مسلم لیگ پنجاب کے صدر رانا ثنا اللہ، مریم نواز، حمزہ شہباز شریف، احسن اقبال، اویس لغاری، ملک ندیم کامران، عظمی بخاری، میاں یاور زمان، ذیشان رفیق، نزہت صادق، ایم این ایز، ایم پی ایز اور پارٹی عہدیدار موجود ہیں۔

ذرائع نے کہا کہ میٹینگ میں قائد میاں محمد نواز شریف کو پنجاب میں ہونے والی تنظیمی امور اور پارٹی امور پر بریفینگ دی جا رہی ہے۔

ذرائع کا کہنا ہے کہ میٹینگ کے آغاز میں مریم نواز کی گاڑی کے نیچے  لیگی کارکن نے گھسنے کی کوشش کی جس پر مریم نواز کے سیکیورٹی گارڈز نے کارکن کو گاڑی کے آگے سے ہٹایا ہے۔

لیگی کارکن نے کہا کہ میں ن لیگ کا کارکن ہوں اور میں مریم نواز کے ساتھ تصویر کھچوانا چاہتا ہوں۔