لاہور میں سرکاری گوداموں سے گندم ریلیز کرنے کا معاملہ پیش آیا ہے۔

تفصیلات کے مطابق چیئرمین پنجاب فلور ملز ایسوسی ایشن عاصم رضا نے پریس کانفرنس کرتے ہوئے اپنے بیان میں کہا کہ محکمہ خوراک پنجاب مختلف حیلے بہانوں سے فلور ملز مالکان کو تنگ کر رہا ہے۔

چیئرمین پنجاب فلور ملز ایسوسی ایشن عاصم رضا نے کہا کہ محکمہ خوراک نے گرائنڈنگ چارجز 600 سے کم کر کے 400 روپے کر دیے ہیں۔

فلور ملز ایسوسی ایشن کا کہنا تھا کہ حکومت نے 1950 روپے فی من گندم دی تو ہم آٹے کا تھیلا 1150 روپے میں دیں گے۔

یاد رہے کہ 2 ستمبر کو بھی عاصم رضا نے یہی مطالبہ کیا تھا کہ اوپن مارکیٹ سے مہنگا گندم خرید کے لوگوں کو سستا آٹا دینا مشکل کام ہے۔

ان کا یہ بھی کہنا تھا کہ سرکاری گوداموں سے گندم کا اجرا نہیں ہو رہا، اوپن مارکیٹ سے مہنگی گندم خرید کر آٹا سستا نہیں بیچ سکتے۔