شہید بے نظیر بھٹو تعلیمی بورڈ کے تحت میڑک امتحانات کے نتائج کا اعلان ہوا ہے۔

تفصیلات کے مطابق نواب شاہ کے پیپلز میڈیکل یونیورسٹی کے لطیف ہال میں شہید بے نظیر بھٹو تعلیمی بورڈ کے تحت میڑک امتحانات کے نتائج کی تقریب کا انعقاد ہوا ہے جس میں طلباء و طالبات کی بڑی تعداد نے شرکت کی ہے۔

چیئرمین تعلیمی بورڈ شہید بے نظیر آباد فاروق حسن نے کہا کہ شہیدبے نظیر بھٹو تعلیمی بورڈ کے تحت میٹرک کے امتحانات کا نتائج کا اعلان کیا گیا ہے۔

چیئرمین بورڈ کا کہنا تھا کہ ڈویژن بھر میں 7738 طلبہ و طالبات نے اے ون گریڈ اور 7730 طلبہ و طالبات نے اے گریڈ حاصل کیا ہے۔

ان کا کہنا تھا کہ کورونا کے بعد بھی میٹرک کے امتحانات کا احسن طریقے سے انعقاد کیا گیا ہے اور نقل کی روک تھام کے لیے سخت اقدمات کئے گئے۔ مزید بھی اقدامات کیے جا رہے ہیں۔

انہوں نے کہا کہ میٹرک کے امتحانات میں بختاور گرلز کیڈٹ کالج کی سونح نور 850 میں سے 834 نمبر لے کر اے ون گریڈ کے ساتھ سب سے آگے ہیں، پھر ان کے بعد گورنمنٹ ہائی اسکول سدھوجہ کی مہناز 834 نمبرز کے ساتھ اے ون گریڈ پر ہیں اور گورنمنٹ ہائی اسکول دولتپور کے محمد فرواز 833 نمبرز کے ساتھ اے ون گریڈ حاصل کر چکے ہیں۔