لاہور میں کنگ آف کامیڈی عمر شریف کی یاد میں تعزیتی ریفرنس کا انعقاد ہوا ہے۔
تفصیلات کے مطابق لاہور میں کنگ آف کامیڈی عمر شریف کی یاد میں تعزیتی ریفرنس کا انعقاد ہوا جس میں کامیڈین خالد عباس ڈار، جواد وسیم اور دیگر فنکاروں نے شرکت کی۔
ذرائع کا کہنا ہے کہ تقریب میں عمر شریف کے لیے ایثال ثواب کے ارادے سے قرآن خوانی کی گئی۔
اداکار خالد عباس ڈار کا اس موقعے پر کہنا تھا کہ عمر شریف میرے بچوں کی طرح تھا اور مجھے آج بھی یاد ہے جب عمر شریف پہلی بار مجھ سے کراچی میں ملا تھا۔
خالد عباس ڈار کا یہ بھی کہنا تھا کہ عمر شریف کی پاکستان اور سرحد پار مقبولیت ان کے بڑے فنکار ہونے کا ثبوت ہے۔