لاڑکانہ میں آوارہ کتوں کی بہتات ہونے کی وجہ سے ڈاگ بائیٹ کے کیسز میں اضافہ ہونے کے ساتھ آوارہ کتے سرکاری دفاتر میں براجمان بھی ہو رہے ہیں۔
ذرائع کا کہنا ہے کہ آوارہ کتوں کو گلی محلوں میں گھومنے کے بعد اب پولیس چوکیوں پر افسران کی کرسیوں پر بیٹھے بھی دیکھا جا سکتا ہے۔
ایک جانب امن امان کی مخدوش صورتحال تو دوسری جانب پولیس چوکی اہلکاروں سے خالی دکھائی دے رہی ہے۔
ذرائع کا کہنا ہے کہ شہر کے داخلی راستے اللہ آباد تھانہ کی نانگو شاہ مقام پر اے ایس آئی شہید قمر الدین گوپانگ چوکی پر اہلکار غائب ہیں اور آوارہ کتوں کو چوکی انچارج کی کرسی پر بیٹھے دیکھا جا سکتا ہے۔
ذرائع کا کہنا ہے کہ شہری کی جانب سے بنائی گئی ویڈیو میں پوری چوکی خالی جبکہ کرسی پر کتے کو لیٹا دیکھا گیا ہے۔