اسلام آباد میں بےدردی سے قتل کی جانے والی نور مقدم کی والدہ کے بیان نے سب کو رلا دیا ہے۔

رپورٹ کے مطابق اسلام آباد میں سابق سفارت کار شوکت مقدم کی بیٹی نور مقدم کے قتل کے کیس میں انصاف کے لئے احتجاج کرتے ہوئے ان کی ماں کوثر مقدم نے ایک بیان دیا ہے جس نے سب کو رلا دیا ہے۔

کوثر مقدم نے بتایا ہے کہ ان کی بیٹی نور ان سے بے حد محبت کرتی تھی اور اب وہ قدر بے چین رہتی ہیں کہ انہیں رات میں نیند نہیں آتی ہے۔

کوثر مقدم نے بتایا ہے کہ وہ دیوانہ وار اپنی بیٹی کو پورے گھر میں دھونڈتی رہتی ہیں کہ کہیں سے ان کی نور آجائے۔

انہوں نے کہا ہے کہ مجھے میری نور کے قتل کا انصاف چاہیئے اور میں چاہتی ہوں کہ قاتلوں کو سخت سزا دی جائے۔

واضح رہے کہ سپریم کورٹ نے سابق سفارتکار شوکت مقدم کی بیٹی نور مقدم کے قتل کے مقدمے میں مرکزی ملزم ظاہر جعفر کی والدہ عصمت آدم جی کی ضمانت کی درخواست ’عورت ہونے کی بنا پر‘ منظور کر لی ہے۔