بیٹی کی شادی کے لیے رقم ادھار مانگنے پر 39 سالہ خاتون کے ساتھ اجتماعی زیادتی کا واقعہ پیش آیا ہے۔
تفصیلات کے مطابق یہ افسوسناک واقعہ مظفرگڑھ میں پیش آیا جہاں بیٹی کی شادی کے لیے رقم ادھار مانگنے پر 39 سالہ خاتون کے ساتھ اجتماعی زیادتی کا واقعہ پیش آیا ہے جس پر تھانہ محمود کوٹ پولیس نے 3 نامزد ملزمان کے خلاف مقدمہ درج کر لیا ہے۔
خورشید مائی نے کہا کہ 19 ستمبر کو اپنی بھانجی کے شوہر سے شادی کے لیے رقم ادھار پر مانگی تھی۔ ملزم نے رقم دینے کے بہانے بلایا اور موٹر سائیکل پر بٹھا کر آبادی سے دور لے گیا۔
خورشید مائی کا کہنا تھا کہ آبادی سے دور لے جانے کے بعد ملزم سعد نے اپنے ساتھیوں سمیت مجھے دبوچ کر زیادتی کی، اس دوران ملزمان کا ایک ساتھی ویڈیو اور تصاویر بناتا رہا۔
خورشید مائی کا یہ بھی کہنا تھا کہ ملزمان کی جانب سے دوران زیادتی تشدد اور سنگین نتائج کی دھمکیاں بھی دی گئیں۔