چیف آف ایئر اسٹاف انٹرنیشنل اسکواش ٹورنامنٹ کا سیمی فائنل آج سے شروع ہوا ہے۔
تفصیلات کے مطابق چیف آف ایئر اسٹاف انٹرنیشنل اسکواش ٹورنامنٹ میں مردوں کے پہلے سیمی فائنل میں فرانس کے آگسٹس ڈوسورڈ نے پاکستان کے طیب اسلم کو شکست دی ہے۔
مردوں کے دوسرے سیمی فائنل میں مصر کے مصطفیٰ السرٹی نے ہانگ کونگ کے ہینری لونگ کو شکست دی ہے۔
خواتین کے پہلے سیمی فائنل میں مصر کی سلمہ الطیب نے مصر کی ہی فیروز ابوالخیر کو شکست دی جبکہ خواتین کے دوسرے سیمی فائنل میں فرانس کی ماریہ سٹیفن نے مصر کی ندین کتب کو شکست دے دی ہے۔
ذرائع کے مطابق مردوں اور خواتین کے فائنل 15 اکتوبر کو مشف اسکواش کمپلیکس اسلام آباد میں کھیلے جائیں گے۔