خیبرپختونخوا فوڈ سیفٹی اتھارٹی نے ملاوٹ مافیا کے خلاف کریک ڈاؤن کیا ہے۔
تفصیلات کے مطابق فوڈ سیفٹی اتھارٹی نے مردان میں مختلف گڑ گانیوں کا معائنہ کیا اور 1400 کلو سے زائد مضر صحت گڑ بر آمد کی۔
فوڈ سیفٹی اتھارٹی کا کہنا تھا کہ گڑ کی تیاری میں چینی اور مضر صحت کیمکلز کا استعمال کیا جا رہا تھا جس کی وجہ سے دو ملزمان گرفتار کر لیے گئے ہیں۔
فوڈ سیفٹی اتھارٹی نے کہا کہ مردان سٹی میں حفظان صحت کے اصولوں کی خلاف ورزی پر 5 بیکری یونٹس سیل کر دی گئی ہیں۔ بیکری یونٹس سے 250 کلو غیر معیاری سویٹس اور بیکری پراڈکٹس بر آمد ہوئی ہیں۔
فوڈ سیفٹی اتھارٹی کا یہ بھی کہنا تھا کہ کارروائی میں بڑی تعداد میں بوسیدہ انڈے برآمد کر کے ضائع کر دیے گئے ہیں۔