لندن میں پاکستان کی موجودہ معیشت کی صورتحال پر اہم اجلاس منعقد ہوا ہے۔
تفصیلات کے مطابق انٹرنیشنل پروفیشنلز کونسل برطانیہ نے پاکستان کی موجودہ معیشت کی صورتحال پر لندن میں اہم اجلاس منعقد کیا جس کی صدارت انٹرنیشنل پروفشنل کونسل پاکستان کے نو منتخب چیئرمین مرزا اشتیاق بیگ نے کی ہے۔ اجلاس میں پاکستان کی سیاسی اور معاشی صورتحال کو زیر بحث لایا گیا ہے۔

ذرائع نے کہا کہ اس موقع پر کور کمیٹی کے فیصلے کے ساتھ جناب اشتیاق بیگ کو IPCPAK پاکستان کا نیا چیئرمین نامزد کیا گیا ہے۔
ذرائع کا کہنا ہے کہ انٹرنیشنل پروفشنل کونسل یو کے کے اراکین نے پاکستان میں اشیاء خوردونوش اور دیگر اشیائے ضرورت کی بڑھتی ہوئی قیمتوں پر تشویش کا اظہار کیا ہے۔
ذرائع کے مطابق اجلاس سے خطاب کرتے ہوئے مرزا اشتیاق بیگ نے اوورسیز پاکستانیوں کو روشن ڈیجٹل اکاؤنٹ کی تفصیلات اور اس سے پاکستانی معیشت پر مثبت اثرات پر تفصیلی تبادلہ خیال کیا۔