تفصیلات کے مطابق لاہور میں ماہ ربیع الاول کے موقعے پر منہاج القرآن کا مرکزی سیکرٹریٹ چراغ اور رنگین لائٹس سے سجا دیا گیا ہے۔
ذرائع کا کہنا ہے کہ گوشہ درود، جامع شیخ الاسلام، نظام المدارس پاکستان و متصل عمارات کو برقی قمقموں سے سجا دیا گیا ہے اور ڈاکٹر محمد طاہر القادری کی رہائش گاہ پر خصوصی چراغاں کیا گیا ہے۔
ناظم منہاج القرآن سیکرٹریٹ جواد حامد کا اس موقعے پر کہنا تھا کہ بعثت محمدی ﷺ پر خوشیاں منانے کا حکم اللہ رب العزت نے قرآن مجید میں دیا ہے۔
جواد حامد نے کہا کہ منہاج القرآن نے حضور نبی اکرم ﷺ سے اظہار محبت و مودت کے کلچر کو فروغ دیا ہے۔
ناظم منہاج القرآن سیکرٹریٹ کا یہ بھی کہنا تھا کہ منہاج القرآن کے مرکزی سیکرٹریٹ میں روزانہ سیرت النبی ﷺ کانفرنس کا اہتمام ہوتا ہے۔