نادرا کی جانب سے پالیسیاں تبدیل کردی گئیں ہیں جس کے مطابق اب خواتین اپنی مرضی سے نام کا اندراج کرواسکتی ہیں۔

تفصیلات کے مطابق گزشتہ روز ایک تقریب سے خطاب کے دوران چیئرمین نادرا نے بتایا ہے کہ عورتوں کی رجسٹریشن کے لیے نادرا میں خواتین پر مبنی اسپیشل ڈیپارٹمنٹ بنا دیا گیا ہے جہان پر اسپیشل ڈیپارٹمنٹ خواتین کی رجسٹریشن کی پالیسی مرتب کریں گی۔

انہوں نے بتایا ہے کہ نادرا کی پالیسیوں میں تبدیلی کے بعد عورت کو ٓختیار دیا گیا ہے کہ وہ شادی کے بعد شناختی کارڈ میں باپ کا نام لکھوائے یا خاوند کا نام۔

طارق ملک نے کہا کہ ہم اقلیتی برادری کی ترجیح بنیادوں پر رجسٹریشن کر رہے ہیں، نادرا میں کرپشن کسی صورت برداشت نہیں کریں گے، مختلف کیسز میں 262 ملازمین چارج شیٹ ہو چکے ہیں اور 107 کو نوکریوں سے نکال دیا گیا ہے۔

چیئرمین نادرا طارق ملک نے مزید کہا کہ سینٹرز پر معذور افراد کے لیے انتظامات کریں گے، پہلا شناختی کارڈ فری دیا جاتا ہے، اگر کوئی فیس وصول کرے تو نادرا میں شکایات درج کروائیں، کے پی کے کی ہر تحصیل میں نادرا سینٹر موجود ہے۔