صوبے میں سفاری ٹرین منصوبہ دوبارہ فعال کرنے کی تیاری جاری ہے۔

خیبرپختونخوا کے قبائلی ضلع میں تجارتی اور سیاحتی سرگرمیاں بحال کرنے کے لیے سفاری ٹرین منصوبہ دوبارہ فعال کرنے کی تیاری شروع ہو گئی ہے۔

منصوبے کو بحال کرنے کے لیے پشاور سے طورخم تک تاریخی ٹریک کی بحالی میں موجود رکاوٹوں کی نشاندہی کی جا رہی ہے۔

اس معاملے پر ایف بی آر حکام نے محکمہ ریلوے کے ساتھ اہم ملاقات بھی کی۔

محکمہ ریلوے پشاور کے ڈویژنل سپرنٹنڈنٹ محمد یوسف اور ریلوے ہیڈ کواٹر لاہور کے چیف انجینئرز عرفان الخ، اے جی ایم ٹریفک مظہر علی شاہ سمیت ٹیکنیکل ٹیم نے آج معاملے کا جائزہ لینے کے لیے طورخم بارڈر کا دورہ کیا۔

واضح رہے کہ پشاور سے طورخم ریلوے ٹریک کی بحالی سے قومی خزانے کو ماہانہ کروڑوں روپے کی آمدنی حاصل ہو گی اور ٹریک کی بحالی سے تجارت کے ساتھ ساتھ سیاحت کو بھی فروغ ملے گا۔