انٹرمیڈیٹ خصوصی امتحان 2021 کا مرحلہ آج سے شروع ہو گیا ہے۔

امتحان لاہور بورڈ کی حدود میں قائم 59 امتحانی مراکز میں کڑی نگرانی کے ساتھ منعقد ہوا۔

امتحان میں 17797 امیدواران شرکت کر رہے ہیں۔

امتحان کے آج پہلے روز صبح کے سیشن میں پرچہ اکنامکس اور ملٹری سائنس جبکہ شام کے وقت پرچہ شوشیالوجی، میوزک، فزیوتھراپی لیا گیا۔

آج ہونے والے امتحان کے پہلے پرچے میں گورنمنٹ لیب ہائر سیکنڈری اسکول قصور کے امتحانی مرکز میں ایک امیدوار امتحان دیتے ہوئے رنگے ہاتھوں پکڑا گیا جس پر امتحان انتظامیہ نے اس کے خلاف تھانے میں پرچہ درج کروا دیا اور اسے پولیس کے حوالے بھی کر دیا۔

چیئرمین ڈاکٹر مرزا حبیب علی نے تمام امتحانی عملے کو ہدایات کی ہے کہ تمام طلباء کی امتحانی مراکز میں داخل ہوتے وقت سخت تلاشی لی جائے اور امیدواران کو بہتر اور پرسکون ماحول مہیا کیا جائے تاکہ امیدواران بہتر انداز میں سوالات کا جواب دے سکیں۔