وزیراعلیٰ سندھ سید مراد علی شاہ نے ورلڈ بینک کے آپریشن مینجر مسٹر گیلیئس سے ملاقات کی ۔

ملاقات میں وزیراعلی سندھ نے سکھر بیراج کی بحالی اور نئے بیراج کے حوالے سے بات چیت  کی، ملاقات میں سکھر بیراج کی تعمیر کیلئے فزیبلٹی بنانے پر تبادلہ خیال ہوا، فزیبلٹی میں نئے بیراج کی لوکیشن کا بھی تعین کیا جائے گا۔

مراد علی شاہ نے کہا کہ گڈو بیراج کے سسٹم کی بہتری کا پروجیکٹ ختم ہونے والا ہے، سندھ حکومت  گڈو بیراج کے امپرومینٹ پروجیکٹ میں توسیع چاہتی ہے۔

 ملاقات میں ییلو لائن، بی آر ٹی کوریڈور اور بی آر ٹی کی کورنگی اور کورنگی انڈسٹریل ایریا میں کنیکٹوٹی کے حوالے سے بات چیت کی گئی اور بی آر ٹی سسٹم کی ڈولپمینٹ سے ہی کراچی کی ٹریفک کے مسائل حل ہونگے۔

واضع رہے کہ اس ملاقات میں وزیر آبپاشی جام خان شورو، چیئرمین پی اینڈ ڈی حسن نقوی، پرنسپل سیکریٹری ساجد جمال ابڑو، سیکریٹری ایریگیشن سہیل قریشی اور دیگر متعلقہ افسران شریک ہوئے ۔

اجلاس میں سندھ سولر انرجی پروجیکٹ، گڈو بیراج پروجیکٹ، سندھ ایریگیٹڈ ایگریکلچر گروتھ پروجیکٹ، سندھ ارلی لرننگ تھرو کلاس روم پروجیکٹ، کراچی نیبر ہوڈ پروجیکٹ، سندھ اربن پراپرٹی ٹیکس، کراچی موبیلٹی پروجیکٹ اور دیگر پروجیکٹس پر تبادلہ خیال  کیا گیا ۔