وفااقی وزیر تعلیم  شفقت محمود نے نیشنل کالج آف آرٹس کو یونیورسٹی کا درجہ ملنے پر خوشی کا اظہار کیا ہے۔

پریس کانفرنس سے خطاب کرتے ہوئے انہوں نے کہا کہ این سی اے کے گریجویٹس کو تمام دنیا میں عزت کی نگاہ سے دیکھا جاتا ہے، لوگوں کے شوق کے مدنظر آرٹ کالجز میں اضافہ ہونا چاہیئے۔

وفاقی وزیر تعلیم  کا کہنا تھا کہ اپوزیشن بغیر کسی وجہ کے روڑے اٹکا رہے تھی، الحمد للّٰہ تمام بل منظور کر لیے ہیں ۔

انہوں نے کہا کہ بل منظور ہونے کا واویلا اپوزیشن کر رہی ہے، ترقی کا جو سفر عمران خان کی حکومت نے شروع کیا ہے، یہ آگے بڑھتا رہے گا۔

ان کا مزید کہنا تھا کہ مختلف شعبوں میں ترقی ہو رہی ہے، ہم احساس پروگرام آگے بڑھا رہے ہیں،  لوگوں کو ہیلتھ کارڈ سے دس لاکھ روپے تک کا علاج فری ملے گا جس سے صحت مند معاشرہ جنم لے گا ۔