وزیراعلیٰ بلوچستان قدوس بزنجو نے کہا ہے کہ بلوچستان میں آباد تمام اقلیتوں کو آئین پاکستان کے تحت ان کے حقوق حاصل ہیں۔
وزیراعلیٰ سیکریٹریٹ میں ہندو برادری کے مذہبی تہوار دیوالی کی منسابت سے تقریب کا انعقاد ہوا جس میں میر عبدالقدوس بزنجو نے شرکت کی۔
میر عبدالقدوس بزنجو نے دیوالی سے متعلق منعقدہ تقریب سے خطاب کرتے ہوئے کہا کہ بلوچستان یہاں آباد تمام اقوام اور مذاہب کا گلدستہ ہے۔
ان کا کہنا تھا کہ پاکستان میں آباد مذہبی اقلیتوں کا ملک کی ترقی میں بہت اہم کردار ہے، حکومت اقلیتوں کے ساتھ ہر قسم کے تعاون کے لیے تیار ہے۔
قدوس بزنجو کا کہنا تھا کہ وزیراعلیٰ بننا کوئی بڑی بات نہیں، اہمیت عوام کے مطمئن ہونے کی ہے۔ ہم ملک اور بلوچستان کی ترقی میں مشترکہ جدوجہد رکھیں گے۔