پی ڈی ایم ترجمان حافظ حمد اللہ نے کہا ہے کہ ملک میں مسخروں کی حکومت ہے، حکومت کا سربراہ مسخرا ہے۔

حافظ حمد اللہ نے پریس کانفرنس کرتے ہوئے کہا کہ عمران خاں کی حکومت مسلط حکومت ہے، یہ نااہل اور سلیکٹیڈ حکومت ہے۔

ان کا کہنا تھا کہ مہنگائی نے عوام کی کمر توڑ دی ہے، ایک انڈے کی قیمت چھ اور آٹھ روپے سے بیس روپے تک چلی گئی ہے۔

انہوں نے کہا کہ وزیراعظم نے کہا تھا کہ ان کی حکومت انڈوں سے شروع ہو گی، اب علم نہیں مسئلہ انڈے میں ہے یا مرغی میں۔

حافظ حمد اللہ نے کہا کہ پیپلز پارٹی اور ن لیگ کے ادوار میں مشترکہ اجلاسوں میں متفقہ قانون سازی ہوئی۔

ان کا کہنا تھا کہ آج فواد چوہدری اور اعظم سواتی الیکشن کمیشن کو گالیاں دیتے ہیں، حالیہ قانون سازی ڈنڈے کے زور پر ہوئی ہے۔

انہوں نے مزید کہا کہ حکومت اپوزیشن سے کسی سلسلے میں بات ہی نہیں کرتی۔