نئی بلوچستان کابینہ کل وزارتوں کے حلف اٹھا رہی ہے۔

گورنر بلوچستان سید ظہور آغا نئی بلوچستان کابینہ کی تعمیر کے لیے کابینہ ارکان سے حلف لیں گے۔

بلوچستان کابینہ کی حلف برداری کے بعد حکومت سازی کا عمل مکمل ہو جائے گا۔

نئی کابینہ کے بیشتر وزراء جام کمال کے دور میں بھی وزارتوں پر فائض رہے۔

رکن بلوچستان عوامی پارٹی سردار عبدل رحمان کھیتران نے کہا کہ 18 ویں ترمیم کی رو سے بلوچستان کابینہ میں 14 وزراء شامل ہوں گے۔

عبدل رحمان کھیتران نے یہ بھی کہا کہ 5 ایڈوائزرز کی تقرری کا نوٹیفکیشن حکومت بلوچستان جاری کرے گی۔

ان کا مزید کہنا تھا کہ کیبنٹ سازی میں اتحادی جماعتوں کے ساتھ اپوزیشن بنچز ارکان سے بھی مشاورت کی گئی ہے۔

واضح رہے کہ صوبائی کابینہ کی حلف برداری 7 نومبر بروز اتوار کو گورنر ہائوس میں ہو گی جس کے پہلے مرحلے میں چھ وزراء حلف اٹھائیں گے جن میں ظہور بلیدی، سردار عبدالرحمن کھیتران، میر اسد بلوچ اور میر نصیب اللہ مری شامل ہیں۔