شاہ محمود قریشی نے کہا ہے کہ زرعی شعبہ ملکی معاشی و سماجی ترقی کے لئے کلیدی کردار ادا کرسکتا ہے ۔

وزیر خارجہ شاہ محمود قریشی نے  تقریب سے خطاب کرتے ہوئے کہا کہ ہم ملک کے زرعی شعبے میں انقلاب لاسکتے ہیں،لائیوسٹاک میں بہتری لاکر عالمی کمپنیوں کوراغب کرنے میں مدد ملے گی ۔

انہوں نے کہا کہ ہمارے ہاں مڈل مین کمائی کررہا ہے ، معاشی ترقی سے ہم عالمی اداروں کی سخت شرائط سے بچ سکتے ہیں۔

 وزیر خارجہ کا کہناتھا کہ ہمیں تمام تر وسائل کے باوجود پیداوار میں کمی کا سامنا ہے، ذخیرہ اندوزوں نے کھاد کی قیمتوں کو بڑھادیا ہے۔

 شاہ محمود قریشی نے کہا کہ زرعی شعبہ ملک کا سب سے اہم ترین شعبہ ہے ، زرعی شعبہ ملکی معاشی و سماجی ترقی کے لئے کلیدی کردار ادا کرسکتا ہے۔

وزیر خارجہ نے کہا کہ میری نِظر میں ہمیں مانگنے کی ضرورت نہیں  کیونکہ ہم میں صلاحیت ہے ۔ غربت،  بیروزگاری فوڈ انفلیشن ہمارے بڑے مسائل ہیں ، ان تمام مسائل کا حل زرعی تبدیلی ہے۔

شاہ محمود قریشی کا کہنا تھا  کہ بدقسمتی سے پبلک سروس میں کوالٹی سروس کی صورتحال خراب ہوئی ہے، ایک مقروض پاکستان کو خوشحال پاکستان میں بدلنا ایک چیلنج ہے۔

وزیر خارجہ شاہ محمود قریشی  کا مزید کہنا تھا کہ آئی ایم ایف کی غلامی سے پاکستان کو کیسے نجات دلائی جاسکتی ہے، آئی ایم ایف کے ساتھ معاہدے پر ملک میں بحث جاری ہے۔