حکومت اور کالعدم تحریک لبیک (ٹی ایل پی) کے درمیان معاہدے میں اہم پیش رفت سامنے آئی ہے۔

ذرائع محکمہ داخلہ کے مطابق پنجاب میں  کالعدم تحریک لبیک کے 8سو  سے زائد کارکنان   کو رہا کردیا گیا ہے۔

ذرائع کا کہنا ہے کہ اسٹیرنگ کمیٹی کے دوسرے اجلاس کے بعد کارکنوں کی رہائی کافیصلہ کیاگیا ہے۔  جانچ مکمل کرنے کےبعد ان کارکنوں کو رہا کیا گیا ہے جو براہ راست تشدد میں شامل  نہیں تھے۔

رہائی پانےوالے کارکنوں کو نقص امن کے پیش نظر حراست میں لیاگیاتھا۔

تاہم ابھی یہ فیصلہ ہونا باقی ہے آیا مینٹیننس آف پبلک آرڈر (ایم پی او) 1960 کے سیکشن 16 کے تحت حراست میں لیے گئے افراد کو بھی رہا کیا جائے گا یا نہیں۔

واضح رہے کہ  کالعدم ٹی ایل پی نے   پنجاب حکومت پر اپنے سربراہ سعد حسین رضوی کی رہائی کے لیے دباؤ ڈالنے کے لیے 20 اکتوبر کو لاہور میں احتجاج کا آغاز کیا تھا۔

سعد رضوی کو 12 اپریل سے پنجاب حکومت نے ’امن عامہ کو برقرار رکھنے‘ کے لیے حراست میں رکھا ہوا ہے۔