معاون خصوصی وزیر اعلیٰ پنجاب حسان نے کہا ہے کہ نمائشوں کا مسلسل انعقاد نوجوانوں میں آگے بڑھنے کا حوصلہ پیدا کرے گا۔

حسان خاور نے نجی یونیورسٹی کے زیر اہتمام الحمراء میں منعقدہ سالانہ نمائش کا دورہ کیا اور طلبہ و طالبات کے تیار کردہ مختلف تعلیمی ماڈلز دیکھے۔

نمائش فیشن ڈیزائننگ، ٹیکسٹائل ڈیزائننگ، گرافک اور انٹیرئیر ڈیزائننگ کے مختلف ماڈلز پر مشتمل تھی۔

طلبہ و طالبات نے حسان خاور کو اپنے پراجیکٹس دیکھانے کے ساتھ ان پر تفصیلی بریفنگ بھی دی۔

حسان خاور نے طالبعلموں کے کام کو سراہا اور ان کی محنت کی تعریف کرتے ہوئے کہا کہ زمانہ طالبعلمی میں کیے گئے یہ پراجیکٹس عملی زندگی میں تخلیق کاروں کی گرومنگ کے لیے معاون ثابت ہوں گے۔