پیرمحل  میں بارودی مواد پھٹنے سے بچہ جھلس گیا۔

ذرائع کے مطابق پیر محل میں صدر کی حدود پیرکڑیانہ کے علاقہ میں بارودی مواد پھٹنے سے بچہ زخمی ہوگیا، نامعلوم افراد نے آکر بچے کو گھر کے باہر کھیلتے ہوئے دیکھ کر ہاتھ میں بارودی مواد پکڑایا۔

پنجاب پولیس حکام کا کہنا ہے کہ کھلونا سمجھ کر کھیلتے ہوئے بچے کے ہاتھوں میں دھماکہ خیز مواد پھٹ گیا، دھماکہ کی آواز سے علاقے کے لوگ جمع ہوگئے۔

ترجمان پولیس کا کہنا ہے کہ اس واقعہ کے نتیجے میں بچے کے دونوں ہاتھ اور آنکھیں بری طرح زخمی ہیں۔

انہوں نے  کہا کہ ہم نے علاقے میں پولیس الرٹ کردی ہے اور جائے وقوعہ سے ملنے والوں کی چیزوں کا جائزہ لے کر تفتیش شروع کردی ہے۔

انہوں نے مزید کہا کہ نا معلوم ملزمان کے خلاف ایف آئی آر درج کرلی گئی ہے۔ بچوں کو نشانہ بنائے جانے کا عمل شرمناک ہے اور جلد ہی مجرم قانون کی گرفت میں ہوں گے۔