ریلوے تںظیموں کے گرینڈ الائنس کی کال پر ہڑتال انتظامیہ کے کامیاب مذاکرات کے بعد ہڑتال ختم کردی گئی۔

تفصیلات کے مطابق پاکستان ریلوے کے سی ڈی ایل ورکشاپ کے مینیجر شہزاد جاوید کی گرفتاری پر ریلوے کے مشتعل ملازمین نے راولپنڈی کے ریلوے پولیس اسٹیشن کا گھیراؤ کیا گیا اور شدید نعرے بازی کی گئی۔

اس موقع پر پولیس حکام کی ریلوے افسران سے بات چیت جاری رہی، انتظامیہ نے گھیراؤ سے پیدا شدہ صورتحال پر وفاقی وزیر ریلوے اعظم خان سواتی کو صورتحال سے آگاہ کردیا تھا۔

ذرائع کے مطابق سی ڈی ایل، ورکشاپس اور ریلوے اسٹیشن پر ملازمین کی ہڑتال، احتجاج اور کام چھوڑنے کے باعث کراچی جانیوالی عوام ایکسپریس بھی تاخیر کا شکار ہوگئی تھی۔

راولپنڈی میں انتظامیہ و ریلوے گرینڈ الائنس میں کامیاب مذاکرات کے بعد پاکستان ریلوے کے گرفتار کیئے جانے والے منیجر شہزاد جاوید اور فورمین کو رہا کردیا گیا ہے۔