امیر ٹی ایل پی سعد حسین رضوی نے کہا ہے کہ عالمی برداری طالبان کا موقف سنے اور اور حقیقت تسلیم کرے۔

امیر تحریک لبیک پاکستان نے او آئی سی کے اجلاس پر بیان دیتے ہوئے کہا کہ پاکستان کی میزبانی میں او آئی سی کا اجلاس خوش آئند اور مثبت اقدام ہے۔

سعد رضوی نے کہا کہ افغانستان کی صورتحال انتہائی نازک اور مسائل سے دوچار ہے، افغانستان کی صورتحال پر انسانی ہمدردی کے اقدامات قابل ستائش ہیں۔

ان کا کہنا تھا کہ دنیا افغانستان کے لیے بہترین اقدامات کرے، عالمی برداری طالبان کا موقف سنے اور اور حقیقت تسلیم کرے۔

انہوں نے کہا کہ عالمی برداری انسانی حقوق کا احترام کرتے ہوئے افغانستان کے منجمد اثاثے فوری طور پر بحال کروانے میں اپنا کردار ادا کرے۔

سعد حسین رضوی نے مزید کہا کہ اسلامی دنیا نے صحیح طرح سے مغرب کی جانب سے ابھرنے والے اسلام فوبیا تاثر کو ختم کرنے میں حقیقی بنیادوں پر کام کیا ہوتا تو آج یہ نوبت نہ آتی۔