گوجرانوالہ میں جرائم  کا سلسلہ جاری ہے، ایک واقعہ میں گاڑی میں بیٹھی فیملی سامان سے محروم  کردی گئی۔

 تفصیلات کے مطابق گوجرانوالہ کے علاقے شاہین آباد میں گاڑی میں سوار فیملی کے ساتھ ڈکیتی کی وارادت  کرکے ڈاکو موبائل فون اور دیگر سامان لے گئے۔

پولیس کا کہنا تھا کہ مُتاثرین کے مطابق تین مسلح موٹر سائیکل سوار ڈاکو آئے اور گاڑی کو گھیر کر فیملی  سے موبائل فون و دیگر اشیاء لے گئے۔

پولیس حکام کا کہنا ہے کہ واردات کی سی سی ٹی وی فوٹیج  حاصل کرلی ہے۔

ترجمان پولیس نے بتایا کہ فوٹیج میں ڈاکوؤں کو لوٹ مار کرتے صاف دیکھا جا سکتا ہے۔

اُنہوں نے مزید کہا کہ پولیس نے واقعے کی ایف آئی آرتین نامعلوم ملزمان کے خلاف درج کرکے سی سی ٹی وی فوٹیج کی مدد سے ملزمان کی تلاش شروع کر دی گئی ہے۔

دوسری جانب عوام کا کہنا ہے کہ ہم روز روز کی چوری ڈکیتی سے تنگ ہیں، پولیس مقدمات آسانی سے درج نہیں کرتی اور چھینی ہوئی اشیاء وآپس نہیں ملتی ہیں۔ انتظامیہ پولیس حکام  کے خلاف نوٹس لے۔

یاد رہے کہ اس سے قبل رواں سال ستمبر میں مسلم ن لیگ کے ایم پی اے نواز چوہان نے گوجرانوالہ میں بڑھتی ڈکیتی کی وارداتوں کے خلاف پنجاب اسمبلی میں نوٹس جمع کروایا تھا جس پر 27 ستمبر کو اسمبلی میں بحث بھی ہوئی تھی۔