وزیر اعظم عمران خان دنیا میں سب سے زیادہ سراہے جانے والی شخصیات میں شامل ہوگئے۔ 

وزیراعظم عمران خان کو دنیا میں سب سے زیادہ سراہے گئے مردوں کی فہرست میں شامل کرلیا گیا ہے جبکہ عمران خان اپنی متاثر کن شخصیت کے باعث فہرست میں سترہویں نمبر پر موجود ہیں۔

برطانوی تنظیم کے سروے کے مطابق سب سے زیادہ سراہے جانے والی شخصیات کی مردوں کی فہرست میں سابق امریکی صدر باراک اوباما پہلے نمبر پر موجود ہیں جبکہ بل گیٹس دوسرے اور چینی وزیراعظم شی جن پنگ تیسرے نمبر پر موجود ہیں۔

علاوہ ازیں اس فہرست میں چوتھے نمبر پر دنیائے فٹبال کے نامور کھلاڑی کرسٹیانو رونالڈو موجود ہیں جبکہ پانچواں نمبر ہالی وڈ کے اداکار جیکی چن کا ہے۔

واضح رہے کہ اس سروے کے لئے اڑتیس ممالک میں 42 ہزار افراد سے رائے لی گئی تھی۔ وزیراعظم عمران خان اور نوبل انعام یافتہ ملالہ یوسفزئی اس سے قبل 2018 اور 2019 میں بھی اس فہرست کا حصہ رہ چکے ہیں۔