الیکشن کمیشن آف پاکستان نے خیبر پختونخوا میں بلدیاتی انتخابات کے ضابطہ اخلاق کی خلاف ورزی پر بلاول بھٹو زرداری، مراد علی شاہ اور خورشید شاہ سمیت پارٹی کے دیگر سینئر رہنماؤں پر جرمانہ کردیا۔

الیکشن کمیشن نے ضابطہ اخلاق کی خلاف ورزی کرنے پر چیئرمین پیپلز پارٹی بلاول بھٹو زرداری، وزیراعلیٰ سندھ مراد علی شاہ، خورشید شاہ، سعید غنی اور قادر پٹیل کو فی کس 50 ہزار روپے جرمانہ کردیا۔

ای سی پی نے نگہت اورکزئی کو وارننگ جاری کردی اور کہا کہ مزید خلاف ورزی پر الیکشن کمیشن آف پاکستان بھجوایا جائے گا اور اس حوالے سے قانون کے مطابق باضابطہ کارروائی ہوگی۔