دھند کے باعث ریل گاڑٰیوں کی تاخیر سے مسافر پریشان ہوگئے۔

ترجمان ریلوے کے مطابق کراچی سے پشاور کے درمیان چلنے والی رحمان بابا ایکسپریس،کراچی براستہ فیصل آباد و راولپنڈی کے درمیان چلنے والی پاکستان ایکسپریس پانچ پانچ  گھنٹے اورکراچی تا لاہور کے درمیان براستہ فیصل آباد چلنے والی شاہ حسین ایکسپریس چار گھنٹے تاخیر کا شکار ہونگیں۔

ریلوے ترجمان کا کہنا تھا کہ کراچی تا لاہور کے درمیان چلنے والی عوامی ایکسپریس، کراچی ایکسپریس چار چار  گھنٹے اور کراچی سے لاہور کے درمیان چلنے والی پاک بزنس  میں ساڑھے تین گھنٹے کی تاخیر سے پہنچیں گی ۔

انہوں نے مزید کہا کہ کراچی سے لاہور تیز گام ایکسپریس اور قراقرم ایکسپریس تین گھنٹے،کراچی تا ملکوال کے درمیان چلنے والی ملت ایکسپریس،لاہور تا کراچی کے درمیان چلنے والی علامہ اقبال اور گرین لائن ایکسپریس  بھی دو دو گھنٹے دیر سے منزل پر پہنچیں گی ۔

ترجمان ریلوے کا کہنا تھا کہ کوئٹہ سے پشاور کے درمیان چلنے والی جعفر ایکسپریس تین گھنٹے 35 منٹ تاخیر کا شکار ہوگی، دھند کی وجہ سے  ریل گاڑیاں مزید تاخیر کا بھی شکار ہوسکتی ہیں۔