ٹوبہ ٹیک سنگھ میں واپڈا ملازمین نے لاکھوں روپے مالیت کے قیمتی درخت کاٹ دیے ہیں۔

یہ واقعہ پنجاب کے شہر ٹوبہ ٹیک سنگھ میں پیش آیا جہاں واپڈا کے ملازمین نے رجانہ روڈ پر سالوں سے قائم قیمتی درختوں کو بغیر اجازتِ کاٹنا شروع کر دیا۔

واپڈا حکام کی درخت کاٹ کر چوری کرنے کی کوشش میڈیا نے فوری ناکام بنا دی۔

شہریوں کا کہنا تھا کہ جہاں ایک طرف حکومت کی جانب سے ماحولیاتی آلودگی کو کم کرنے کے لیے پودے لگائے جا رہے ہیں وہاں دوسری طرف قیمتی درختوں کو بھی کاٹا جا رہا ہے۔

شہریوں نے کہا کہ ضلعی انتظامیہ کی غفلت اور لاپرواہی کے باعث واپڈا کے حکام کے خلاف کوئی کارروائی نہیں ہو رہی ہے، اعلیٰ حکام واپڈا اہلکاروں کے خلاف کارروای کریں۔