لاڑکانہ میں پولیس مقابلے کے دوران ملزم ہلاک جب کہ اے ایس آئی سمیت پولیس اہلکار شہید ہوگئے۔

لاڑکانہ میں جرائم پیشہ افراد کی موجودگی کی اطلاع پر پولیس نے گاؤں وڈا مہر میں کارروائی کی۔

پولیس کے گاؤں میں پہنچنے پر ملزمان نے اندھا دھند فائرنگ شروع کردی اور دو طرفہ فائرنگ کا تبادلہ شروع ہوگیا جس کے باعث علاقے میں خوف ہراس پھیل گیا۔

فائرنگ کے تبادلے میں ملزم راجو مہر ہلاک جب کہ اس کا ایک ساتھی زخمی ہوگیا۔

ایس ایس پی عمران قریشی کے مطابق ملزمان کی فائرنگ سے اسسٹنٹ سب انسپکٹر مظفر کھوسو اور پولیس کانسٹیبل نواب علی جتوئی شہید ہوگئے۔

پولیس پر فائرنگ کی اطلاع پر مختلف تھانوں کی پولیس گاؤں وڈا مہر پہنچ گئی اور علاقے کو گھیرے میں لے لیا۔