پیپلز پارٹی نے پنجاب میں گرفت مضبوط کرنے کے معاملے پر آصف زرداری کے فوری بعد بلاول بھٹو زرداری نے بھی لاہور میں دورے کا فیصلہ کیا ہے۔

تفصیلات کے مطابق پیپلز پارٹی کے چیئرمین بلاول بھٹو زرداری آج لاہور کے دورے پر روانہ ہوں گے اور ایک ہفتہ لاہور میں قیام کریں گے۔

ذرائع کے مطابق لاہور این اے 133 کے ضمنی انتخاب میں زبردست کارکردگی پر بلاول بھٹو جیالوں کو شاباشی دیں گے اور جیالوں سے ملاقاتیں کرنے بعد خطاب بھی کریں گے۔

خیال رہے کہ پاکستان پیپلز پارٹی نے پنجاب میں اپنی گرفت مضبوط کرنے اور آئندہ بلدیاتی و عام انتخابات میں تیاریاں تیز کر دی ہیں۔

واضح رہے کہ سابق وزیر اعظم راجہ پرویز اشرف سمیت دیگر عہدیداران لاہور ایئرپورٹ پر بلاول بھٹو زرداری کا استقبال کریں گے۔