نان روٹی ایسوسی ایشن لاہورنے 100 گرام روٹی کی قیمت 10 روپے سے بڑھا کر 12اور 125 گرام نان کی قیمت 15 روپے سے بڑھا کر 18 روپے کر دی ۔

ترجمان روٹی نان ایسوسی کا کہنا ہے کہ روٹی اورنان کی قیمتوں میں اضافہ ناگزیرہوگیا ہے، کیونکہ 20 کلو آٹے کا تھیلا 860 روپے سے بڑھ کر 1100 روپے ہو گیا ہے، جبکہ 80 کلوگرام میدے کی بوری 4900 روپے سے بڑھ کر 6000 روپے ہو گئی ہے۔

ترجمان نے کہا ہے کہ ایل پی جی اور گیس کی قیمتوں میں بھی اضافہ ہوا ہے، مہنگائی کہ وجہ سے تنور مالکان مقروض ہو گئےہیں، ہم نے ضلعی انتظامیہ سے متعدد مرتبہ مطالبہ کیا مگرکوئی شنوائی نہیں ہو رہی۔