حیدرآباد میں احتجاج کرتے ینگ ڈاکٹرز نے اومیکرون مریض کی دیکھ بھال کرنے سے بھی انکار کردیا۔

 ترجمان ینگ ڈاکٹر نے مطالبہ کیا کہ  کرونا کے دوران رکھے گئے اسٹاف کو ریگولر کرنے تک ’’کرونا ڈیوٹیز‘‘ کرنے والے ڈاکٹرز اومیکرون مریضوں کی دیکھ بھال نہیں کریں گے۔

اُن کا کہنا تھا کہ پیر کے دن اسمبلی کی جانب لانگ مارچ کریں گے۔

 انہوں نے کہا کرونا وائرس میں بھرتی ڈاکٹرز کو چھ ماہ کا کانٹریکٹ دیا جائے۔

ڈاکٹرز کا کہنا تھا کہ کانٹریکٹ ڈاکٹرز کو مستقل کرنے کے ساتھ رسک الاونس دیا جائے اور سندھ کے اسپتالوں میں ڈاکٹرز کی قلت کو ختم کیا جائے۔

انہوں نے مزید کہا کہ  محکمہ صحت نے صورت حال کا تاحال کوئی نوٹس نہیں لیا،مطالبات منظور نہ کئے گئے، تو اگلے مرحلے میں سندھ بھر کے سرکاری اسپتالوں میں معمول کے آپریشن معطل کردیں گے۔

یاد رہے ینگ ڈاکٹرز کے احتجاج کی وجہ سے اوپی ڈیزدو ہفتے سے بند ہیں، جس کی وجہ سے ہسپتال میں آئے مریضوں کی پریشانی میں اضافہ بڑھ گیا ہے۔