ڈائریکٹر جنرل ایف آئی ثناءاللہ عباسی کا کہنا ہے کہ تارکین وطن کسی بھی ملک کی ترقی میں نمایاں کردار ادا کرتے ہیں۔

دنیا بھر میں آج تارکین وطن کا دن منایا جارہا ہے، اس حوالے سے ایک تقریب میں ڈائریکٹر جنرل ایف آئی نے ثناء اللہ عباسی نے شرکت کی۔

انہوں نے کہا کہ آج  کے دن بین الاقوامی سطح پر تارکین وطن کی خدمات اور حقوق سے متعلق شعور اجاگر کرنا ہے، ہم تارکین وطن کے حقوق کے تحفظ کا عہد کرتے ہیں۔

ڈائریکٹر جنرل کا کہنا تھا کہ ملک کی ترقی میں کردار کے باجود استحصالی طرز  عمل کا شکار رہتے ہیں اوراُن کو تعصب کی بھینٹ چڑھادیا جاتا ہے۔

انہوں نے کہا کہ انہیں غیر ملکی سمجھ کر پہلے درجے کے شہریوں کی حقارت کا سامنا کرنا پڑتا ہے، مگر اب تارکین وطن کے حقوق کے لئے دنیا بھر کے ممالک میں قوانین بن رہے ہیں۔

ڈائرکٹر ایف آئی اے نے کہا کہ تارکین وطن کی سمگلنگ بین لااقوامی جرم ہے اور ہم انسانی سمگلنگ کی روک تھام کے لئے ہر ممکن اقدامات کر رہے ہیں۔

اُنہوں نے  کہا کہ تارکین وطن کے حالات اکثر بہت خطرناک اور ناقابل برداشت ہوتے ہیں، پاکستان میں ایک کروڑ سے زائد تارکین وطن آباد ہیں۔

اُن کا مزید کہنا تھا کہ ہم ہم بیرون ملک پاکستانیوں کے حقوق کے تحفظ کا عہد کرتے ہیں